Nyaruguru: AMI yakomeje guhugura abagize uruhare muri Jenoside yakorewe abatutsi
Mu bufatanye n’Ubuyobozi bw’Akarere ka Nyaruguru, Association Modeste et Innocent (AMI) yakomeje ibikorwa bigamije kwimakaza ubumwe n’ubudaheranwa mu baturage.
Mu Murenge wa Kibeho, mu Kagari ka Mubuga, abakozi ba AMI bayoboye ibiganiro bigenewe abantu 42 bafunguwe barangije ibihano ku ruhare rwabo muri Jenoside yakorewe Abatutsi.
Ibi biganiro bigamije gufasha abarangije ibihano kongera kwiyubaka no gusubira mu buzima bw’umuryango nyarwanda, bubaka umubano mwiza n’abandi ndetse bagira uruhare mu bikorwa biteza imbere ubumwe, ubwiyunge n’imibanire myiza.
Abitabiriye ibi biganiro baganiye ku masomo bakuye mu gihe bamaze mu bihano, ku ruhare rwa buri Munyarwanda mu kubaka ubumwe n’ubudaheranwa, ndetse no ku buryo bwo gukomeza kubana neza mu miryango no mu muryango mugari.
AMI iki gikorwa yagikoze, binyuze mu mushinga wa Ikaze mu Banyu, iri guhsyira mu bikorwa mu Mirenge ya Kibaho, Ngoma, na Rusenge, yo muri aka Karere ka Nyaruguru, mu bufatanye n’ubuyobozi bw’inzego z’ibanze.